პროექტის განხორციელებაში აქტიური მონაწილეობა მიიღო საქართველოს ახალგაზრდობის წარმომადგენელმა გაეროში – დავით ესათიამ.პროექტის მიზანია რეგიონებში ჯანსაღი ცხროვრების წესის ხელშეწყობა ბავშვებში, საგანმანათლებლო და სპორტულ პროექტებში ჩართულობის წახალისება და სპორტის ხელმისაწვდომობის გაზრდა ახალგაზრდებში.

რეგიონებში არსებული საჯარო და კერძო სკოლები განიცდიან საჭირო სპორტული ინვენტარის ნაკლებობას,რაც ხელს უშლის ბავშვებში სპორტის განვითარების და ჯანსაღი ცხოვრების წესის პოპულარიზაციას.

სპორტის, ტურიზმისა და ახალგაზრდობის საერთაშორისო ფონდის მთავარი ამოცანაა საერთაშორისო თანამშრომლობის გაღრმავება, რათა ხელი შეუწყოს სპორტისა და სპორტული ტურიზმის სფეროში მდგრად განვითარებას, ახალგაზრდებში ჯანსაღი ცხოვრების წესის მხარდაჭერას, საგანმანათლებლო და სპორტულ პროგრამებსა და პროექტებში ჩართულობის წახალისებას. ამ მხრივ გერმანიის ფედერაციული რესპუბლიკის საელჩო საქართველოში მხარს უჭერს მცირე პროექტებს, რომლის ფარგლებში ფინანსდებიან ბენეფიციართა დიდი თუ პატარა ჯგუფები, პროექტების დიდი ნაწილი დაფინანსებულია რეგიონებში.