„ფოტოფინიში 2021“ ვაკის პარკში 18 დეკემბრიდან 24 დეკემბრის ჩათვლით მასპინძლობს დამთვალიერებელს.

პროექტის “ფოტოფინიში 2021” ფარგლებში წარმოდგენილია 6 ქართველი სპორტის ფოტოგრაფის უნიკალური ფოტოარქივი, რომლებიც დამოუკიდებელი საქართველოს ისტორიაში ზაფხულის ოლიმპიურ თამაშებზე ქართველი სპორტსმენების წარმატების ისტორიებს ასახავს.

სპორტის ფოტოგრაფების პირადი არქივებიდან შეგროვდა 100-ზე მეტი ისტორიული ფოტო, 1992 წლის ბარსელონას თამაშებიდან ტოკიოს 2020 წლის თამაშების ჩათვლით.

გამოფენაზე წარმოდგენილია 6 ფოტოგრაფის ნამუშევარი:

 პაატა ნაცვლიშვილი

 ალექსანდრე კოტორაშვილი

 ავთანდილ გურასაშვილი

 გიგა გურასაშვილი

 ლაშა კუპრაშვილი

 თამუნა ყულუმბეგაშვილი

შუაგულ ვაკის პარკში დიდ ფორმატზე დაბეჭდილი უნიკალური კადრების ნახვის საშუალება პარკის ყველა სტუმარს 1 კვირის განმავლობაში, 18 დეკემბრიდან 24 დეკემბრამდე ექნება.

გამოფენას წარმოგიდგენთ სპორტის ფოტოგრაფთა საზოგადოება. პროექტი განხორციელდა სპორტის, ტურიზმის და ახალგაზრდობის საერთაშორისო ფონდის მხარდასჭერით.