დღევანდელი მდგომარეობით, სპორტის პოლიტიკა და კანონმდებლობა საჭიროებს დახვეწას, განახლებას და მიმდინარე საჭიროებებზე მორგებას, ახალგაზრდებს და ახალგაზრდულ ორგანიზაციებს სჭირდებათ ერთიანი სივრცე, სადაც შეძლებენ თავიანთი იდეებისა და შესაძლებლობების განვითარებას, ტურიზმის ინტეგრაცია ამ პროცესში მნიშვნელოვანია, რაც საბოლოოდ ქვეყნის ეკონომიკურ მდგომარეობაზე მოახდენს დადებით გავლენას. ამ პროცესში ფონდის მთავარი მიზნებია: - განავითაროს თანამშრომლობა სპორტისა და სპორტული ტურიზმის სფეროში, რათა ხელი შეუწყოს მდგრად განვითარებას; - განახორციელოს სპორტული ტურიზმის განვითარებასთან დაკავშირებული ღონისძიებები/ სპორტული ტურიზმის მენეჯმენტი; - ხელი შეუწყოს სპორტის, ტურიზმის, განათლებისა და ახალგაზრდობის სფეროებში პროგრამებისა და პროექტების განხორციელებას; - ხელი შეუწყოს ჯანსაღი ცხოვრების წესის დამკვიდრებას ახალგაზრდებში და მათ ჩართვას საგანმანათლებლო და სპორტულ პროგრამებსა და პროექტებში; - სპორტის, ტურიზმის, განათლებისა და ახალგაზრდობის სფეროებში საერთაშორისო თანამშრომლობის ხელშეწყობა; - ადგილობრივ, რეგიონულ და საერთაშორისო დონეზე სპორტული ღონისძიებების, ტურნირების მხარდაჭერა, რაც თავის მხრივ გრძელვადიან ეფექტს მოახდენს მოსახლეობაზე და ხელს შეუწყობს ადგილობრივ კულტურას; - ხელი შეუწყოს სპორტული ტურიზმის ახალი სივრცეების პოპულარიზაციას; - გააძლიეროს სპორტში ან სპორტულ ტურიზმში ქალი სპორტსმენების რაოდენობის გაზრდის მიმართულებით; - მხარი დაუჭიროს მედიის როლის გააქტიურებას სპორტისა და ახალგაზრდობის სფეროების განვითარებაში;